Տոնական օրերին քաղաքները լցվում են լույսով, երաժշտությամբ ու ջերմ տրամադրությամբ։ Այս տարի այդ մթնոլորտին միացել է նաև Երեմյան կաթնամթերքը՝ ներկայացնելով յուրահատուկ և տոնական նախաձեռնություն։
Դեկտեմբերի 15-ից 30-ը, ամեն օր երեկոյան ժամը 20:00-ից մինչև 23:00-ը, Երեմյան կաթնամթերքի լուսավոր և երաժշտական մեքենաների շարասյունը շրջելու է Երևանով և մի շարք քաղաքներով՝ Էջմիածին, Աշտարակ, Աբովյան, Մասիս, Եղվարդ, Նոր Հաճն։
Տոնական երթին միացել է նաև Ձմեռ պապը, ով բնակիչներին հյուրասիրում է Երեմյան կաթնամթերքի առողջ, բնական և անարատ արտադրատեսակները, որոնք ստացվում են սեփական ֆերմայի բարձրորակ կաթից։ Այս նախաձեռնությունը ոչ միայն տոնական տրամադրություն է ստեղծում, այլև հիշեցնում առողջ սննդի կարևորության մասին։
Լուսավոր մեքենաները, տոնական երաժշտությունը և բնական կաթնամթերքի բույրը վերածում են սովորական երեկոները փոքրիկ տոնի՝ ուրախություն պարգևելով թե՛ երեխաներին, թե՛ մեծահասակներին։
Երեմյան կաթնամթերքը այս նախաձեռնությամբ Ամանորի օրերին միավորում է տոնը, ջերմությունը և առողջ ապրելակերպը՝ ապացուցելով, որ բնականն ու որակյալը կարող են լինել նաև տոնական։
Եթե դեռ չեք տեսել տոնական շարասյունը, պարզապես սպասեք երեկոյան․ հնարավոր է՝ այն անցնի հենց ձեր փողոցով։