Հայաստանի մայրաքաղաքը մեր սիերելի Երևանը նորից ուշադրության կենտրոնում է՝ այս անգամ գիշերային կյանքի ցուցանիշներով։ Վերջին ուսումնասիրության համաձայն, Երևանը դասվել է աշխարհի լավագույն գիշերային քաղաքների յոթերորդ հորիզոնականում՝ հաշվի առնելով անվտանգության մակարդակը, բարերի և փաբերի խտությունը, միջին գիները, ժամանցային վայրերի գնահատականները և գիշերային գործունեության հասանելիությունը:
Ուսումնասիրությունը իրականացրել է թվային ժամանցային պլատֆորմ JB Digital Entertainment, որը հավաքել է տվյալներ ավելի քան 60 քաղաքներից՝ վերլուծելով ինչպես Եվրոպայի, այնպես էլ Ասիայի լավագույն ուղղությունները:
Ինչն է առանձնացնում Երևանը
Երևանը հայտնի է իր կենդանի գիշերային կյանքով, տանիքապատ բարերով, զբոսաշրջիկների սիրելի վայրերով, ինչպես նաև բազմազան սրճարաններով ու ակումբներով:
• 100 քառակուսի կիլոմետր տարածքում Երևանում կա 33 գիշերային վայր (բարեր, ակումբներ, սրճարաններ) և 48 գիշերային իրադարձություն (համերգներ, միջոցառումներ, երեկոյան խաղարկություններ և այլն)։
• Գիշերային վայրերի միջին գնահատականը 4.47/5 է, ինչը ցույց է տալիս բարձր որակ և այցելուների գոհունակություն։
• Միջին խմիչքի գինը մոտ 3.40 ԱՄՆ դոլար, ինչը մատչելի է և տնտեսապես գրավիչ զբոսաշրջիկների համար։
• Բարերը հաճախ բաց են մինչև առավոտյան 4-ը, այսինքն՝ գիշերային կյանքը ակտիվ է և երկարում է ուշ ժամեր։
Այս ցուցանիշները ցույց են տալիս, որ Երևանը առաջարկում է ոչ միայն ակտիվ, այլև մատչելի և անվտանգ գիշերային միջավայր, որը գրավում է ինչպես տեղական երիտասարդությանը, այնպես էլ միջազգային զբոսաշրջիկներին։
Վերջին հետազոտության համաձայն՝ լավագույն հինգն են՝ Բարսելոնան, Փարիզը, Տոկիոն, Պրահան և մեր հարևան երկրի մայրաքաղաք Թբիլիսին: Երևանը, չնայած իր փոքր տարածքին, գերազանցում է հարևան Թբիլիսիին՝ բարերի որակի և մատչելիության համադրությամբ:
Երևանը շարունակում է պահպանել իր ավանդական հմայքը՝ միաժամանակ արդիականացնելով գիշերային կյանքի հնարավորությունները՝ տանիքապատ բարեր, ռեստորանային ծառայություններ, ժամանցային իրադարձություններ: Սա հիմքն է, որով մայրաքաղաքը դառնում է միջազգային այցելուների սիրելի ուղղություն և առաջարկում ակտիվ, անվտանգ ու հետաքրքիր գիշերային միջավայր: