2025 թվականին Seven Visions Resort & Places, The Dvin հյուրանոցային համալիրը արժանացավ միանգամից մի քանի բարձրագույն մրցանակների World Travel Awards միջազգային մրցանակաբաշխությունում։ Այս հաջողությունը կարևոր է ոչ միայն նախագծի, այլև Հայաստանի հյուրընկալության և զբոսաշրջության ոլորտի համար՝ որպես միջազգային մակարդակով ճանաչված որակի հաստատում։
World Travel Awards (WTA)-ը հիմնադրվել է 1993 թվականին և այսօր համարվում է զբոսաշրջության և հյուրանոցային ոլորտի ամենահեղինակավոր մրցանակաբաշխություններից մեկը։
Հաղթողները որոշվում են երկաստիճան քվեարկությամբ՝
• ոլորտի միջազգային մասնագետների մասնակցությամբ
• և ճանապարհորդների ու հյուրերի բաց քվեարկությամբ
Այս մեխանիզմը թույլ է տալիս ստանալ օբյեկտիվ գնահատական, հիմնված իրական փորձի և մասնագիտական չափանիշների վրա։
Նախագծերը գնահատվում են հետևյալ հիմնական ուղղություններով․
• սպասարկման որակ և կայունություն
• հյուրանոցային և գաստրոնոմիական կոնցեպտի ամբողջականություն
• ժամանցային և գործարար ենթակառուցվածքների զարգացվածություն
• միջազգային մրցունակություն
• հյուրի փորձառության ընդհանուր մակարդակ (guest experience)
Այս չափանիշների համադրությամբ Seven Visions / The Dvin-ը հաղթել է միանգամից մի քանի անվանակարգերում։
Armenia’s Leading Hotel 2025
Այս մրցանակը շնորհվում է այն հյուրանոցին, որը տարվա ընթացքում ցուցադրել է առաջատար դիրք ամբողջ շուկայում՝ սպասարկման որակի, կառավարման արդյունավետության, հյուրի գոհունակության և ընդհանուր կոնցեպտի ամբողջականության տեսանկյունից։ Seven Visions / The Dvin-ի հաղթանակը այս անվանակարգում նշանակում է, որ այն գնահատվել է որպես Հայաստանի հյուրանոցային ոլորտի չափանիշ ձևավորող նախագիծ։
Europe’s Leading Entertainment Hotel 2025
Այս անվանակարգը գնահատում է հյուրանոցները, որոնք հաջողությամբ ինտեգրել են ժամանցը որպես հիմնական արժեք, այլ ոչ հավելում։ Խոսքը գնում է միջոցառումների, շոուների, մշակութային և գաստրոնոմիական ծրագրերի համակարգված կառավարման մասին։ The Dvin-ի հաղթանակը այստեղ վկայում է, որ նախագիծը մրցունակ է եվրոպական առաջատար ժամանցային հյուրանոցների մակարդակում։
World’s Leading Hotel Dining & Entertainment Experience 2025
Սա համաշխարհային մակարդակի ամենաբարդ և բարձր պահանջներ ունեցող անվանակարգերից մեկն է։ Այն գնահատում է հյուրանոցում ստեղծված գաստրոնոմիայի և ժամանցի միասնական փորձառությունը՝ կոնցեպտից մինչև իրականացման որակ։ Seven Visions / The Dvin-ի հաղթանակը նշանակում է, որ հյուրանոցը կարողացել է ստեղծել ամբողջական experience, որը մրցունակ է համաշխարհային առաջատար նախագծերի հետ։
Armenia’s Leading Conference Hotel 2025
Այս մրցանակը տրվում է այն հյուրանոցին, որը լավագույնս ապահովում է գործարար միջոցառումների, կոնֆերանսների և միջազգային հանդիպումների կազմակերպման ենթակառուցվածք։ Այն ներառում է տեխնիկական հագեցվածություն, սպասարկման պրոֆեսիոնալ թիմ, տարածքների ճկունություն և լոգիստիկ լուծումներ։ The Dvin-ի հաղթանակը փաստում է, որ այն հանդիսանում է Հայաստանի առաջատար բիզնես և MICE հարթակներից մեկը։
Armenia’s Best Hotel Restaurant 2025 — Hayrik
Այս անվանակարգը գնահատում է հյուրանոցների ռեստորանները՝ ըստ խոհանոցային կոնցեպտի, որակի, սպասարկման և ինքնության։ Hayrik ռեստորանի հաղթանակը ընդգծում է, որ այն ոչ միայն հյուրանոցի բաղադրիչ է, այլ ինքնուրույն մրցունակ գաստրոնոմիական միավոր, որը ներկայացնում է հայկական խոհանոցը ժամանակակից և միջազգային ընկալելի ձևաչափով։
Այս ցանկը ցույց է տալիս, որ խոսքը մեկ ուղղության հաջողության մասին չէ։ The Dvin-ը հանդես է գալիս որպես մուլտիֆունկցիոնալ հյուրնկալության մոդել, որտեղ միաժամանակ զարգացած են հյուրանոցային, գաստրոնոմիական, ժամանցային և բիզնես բաղադրիչները։
The Dvin-ի հաղթանակը World Travel Awards-ում հանդիսանում է մասնագիտական հանրության կողմից տրված պաշտոնական գնահատական։ Այն փաստում է, որ Հայաստանը կարող է ուենալ առաջարկ , որը համապատասխանում է միջազգային պահանջներին և հետաքրքիր է բարձրակարգ զբոսաշրջիկների, բիզնես միջոցառումների և միջազգային հարթակների համար։
Մենք շնորհավորում ենք Seven Visions Resort & Places, The Dvin թիմին այս կարևոր միջազգային հաջողության կապակցությամբ։ Այս մրցանակները ոչ միայն բարձր գնահատական են իրականացված աշխատանքի համար, այլ նաև պատասխանատվություն՝ շարունակելու բարձր պահել որակի նշաձողը և զարգացնել հյուրնկալության ոլորտը Հայաստանում։