Օգոստոսի 8-ին «Արմենպրես»-ի մամուլի սրահում տեղի ունեցավ Enofest և EnoTalks Armenia փառատոնի պաշտոնական մամուլի ասուլիսը։ Փառատոնի կազմակերպիչներն ու ոլորտի ներկայացուցիչները խոսեցին միջոցառման առանձնահատկությունների, մշակութային և կրթական բաղադրիչների, միջազգային համագործակցության ու գինու տուրիզմի զարգացման հեռանկարների մասին։
Փառատոնը կմեկնարկի օգոստոսի 15-ին միջազգային գիտաժողովով, որին կմասնակցեն տեղական ու արտասահմանյան փորձագետներ։ Օրվա երկրորդ կեսին՝ Խաչքարերի պուրակում, կբացվի փառատոնային հատվածը՝ գինու համտեսով, ցուցադրություններով ու մշակութային ծրագրերով։ Երեք օր շարունակ մայրաքաղաքը կդառնա գինու, գաստրոնոմիայի ու ավանդույթի նշանավոր տոնահանդես։
Leave a Reply