Հունվարի 27-ին կայացավ ProFood Armenia 2025 միջազգային F&B և HoReCa միջոցառման մամուլի ասուլիսը, որի ընթացքում կազմակերպիչները ներկայացրեցին այս միջոցառման տեսլականը, նպատակներն ու ծրագիրը։
ArmHoreca-ն նույնպես հրավիրված էր մամուլի ասուլիսին։


ProFood Armenia 2025-ը դառնալու է Հայաստանում առաջին խոշոր միջազգային հարթակը, որը կմիավորի հյուրընկալության և հանրային սննդի ոլորտի առաջատար մասնագետներին, բիզնեսի սեփականատերերին, ոլորտով հետաքրքրված անձանց ու սկսնակ ձեռներեցներին։ Ասուլիսի ընթացքում ընդգծվեց, որ միջոցառումը ոչ միայն ցուցահանդես է, այլ նաև գործնական հարթակ, որտեղ մասնակիցները հնարավորություն կունենան՝
- Ձեռք բերել նոր համագործակցություններ
- Մասնակցելու խոհարարական ու բար շոուների
- Ապահովելու բիզնեսի զարգացման նոր հեռանկարներ
- Ծանոթանալու միջազգային փորձին



Միջոցառման առանցքային փուլերն են՝
Էքսպո-ցուցադրություն՝ որտեղ բիզնեսները կներկայացնեն իրենց արտադրանքը և ծառայությունները
Մաստեր կլասեր և բիզնես խորհրդատվություն՝ գիտելիքների ու փորձի փոխանակման համար
ProChef Armenia 2025՝ երիտասարդ խոհարարների մրցույթ, որի ժյուրիում ընդգրկված են միջազգային ճանաչում ունեցող շեֆ-խոհարարներ
Մենք վստահ ենք, որ ProFood Armenia 2025-ը հնարավորություն կտա Հայաստանի մասնագետներին ու բիզնեսին կապ ստեղծել միջազգային շուկայի հետ, իսկ Հայաստանի հյուրընկալության ոլորտին՝ ավելի ակտիվ ու մրցունակ դիրք զբաղեցնել տարածաշրջանում։
Leave a Reply