Artlife Kempinski Residences Yerevan. շքեղ կյանքի նոր չափանիշը Երևանում

Կեմպինսկին (Kempinski) աշխարհի ամենահին և հեղինակավոր հյուրանոցային ցանցերից մեկն է, որը հիմնադրվել է 1897 թվականին Գերմանիայում։ Այս բրենդը հայտնի է իր շքեղության, նորարարական ծառայությունների և բարձրակարգ սպասարկման շնորհիվ։ Աշխարհի ավելի քան 30 երկրներում այն ներկայացված է 80-ից ավելի հյուրանոցներով, որոնք առանձնանում են իրենց եզակի ճարտարապետությամբ և դիզայնով։

Կեմպինսկիի մուտքը Հայաստան կապված է բացառիկ նախագծի՝ ArtLife Teryan-ի հետ, որը կդառնա մայրաքաղաքի շքեղ կյանքի նոր չափանիշը։ Այս նոր թաղամասը, որը կառուցվում է Երևանի ամենագրավիչ հատվածում, կհամախմբի աշխարհահռչակ շքեղ բրենդներ, նրբաճաշակ ռեստորաններ և առողջապահական ծառայությունների համալիր։ ArtLife Teryan-ը ոչ միայն բնակության վայր է, այլև մշակութային և սոցիալական կյանքով հարուստ կենտրոն։ Թաղամասում կտեղակայվի ժամանակակից արվեստի պատկերասրահ և միջոցառումների կենտրոն, որտեղ տեղի կունենան համաշխարհային մակարդակի ցուցահանդեսներ և ելույթներ։ Հասարակական կյանքի կարևոր մաս կդառնա նաև ակումբը, որը նախատեսված է միայն բնակիչների համար։

Թաղամասը գտնվում է Երևանի կենտրոնում՝ Տերյան փողոցի հյուսիսային հատվածում, ընդամենը 30 րոպե հեռավորության վրա Զվարթնոց միջազգային օդանավակայանից։

Artlife Kempinski Residences Yerevan-ը ներառում է 300 մասնավոր բնակարաններ և 50 սպասարկվող ապարտամենտներ, որոնք համատեղում են հայկական ճարտարապետությունը և ժամանակակից արտ-դեկո ոճը։ Բնակիչներին առաջարկվում են բոլոր այն հարմարությունները, որոնք կարող են լինել հինգաստղանի հյուրանոցում, այդ թվում՝

• Մշակութային և հասարակական կենտրոններ․

Կեմպինսկիի ազդեցությունը Հայաստանի վրա

Այսպիսի մեծ համբավ ունեցող բրենդի մուտքը Հայաստան կարևոր իրադարձություն է՝ մի քանի պատճառներով։ Նախ, դա կբարձրացնի երկրի վարկանիշը որպես զբոսաշրջային ուղղություն, ինչն անհրաժեշտ է Հայաստանի՝ որպես հյուրընկալ երկրի, ավելի ճանաչելի դառնալու համար։ Բացի այդ, Կեմպինսկին իր հետ կբերի միջազգային ստանդարտներ, որոնք կխթանեն տեղական հյուրանոցային ոլորտի զարգացմանը։

Այս նախագիծը խոստանում է փոխել շքեղության մասին պատկերացումը Հայաստանում։ Այն կդառնա ոչ միայն Հայաստանի, այլև տարածաշրջանի կարևորագույն կենտրոններից մեկը։ Հայաստանում Կեմպինսկիի գործունեությունը կարող է ծառայել որպես դրական ազդակ՝ նոր ներդրումների և միջազգային բրենդների համար, ինչը մեր երկիրը կդարձնի ավելի գրավիչ զբոսաշրջության և բիզնեսի համար։

Հետաքրքիր փաստեր

                •  Կեմպինսկիի շենքերից շատերն ունեն պատմական արժեք և ներառված են ճարտարապետական հուշարձանների ցանկում։

                •  Բրենդի կարգախոսն է՝ «Հավերժական շքեղություն» (Timeless Elegance), ինչը հստակ արտացոլում է նրա արժեքներն ու փիլիսոփայությունը։

                •  Հայաստանում Կեմպինսկիի հյուրանոցը նախատեսվում է բացել 2026 թվականին՝ դառնալով տարածաշրջանում բրենդի առաջին ներկայացուցչությունը։

Կեմպինսկիի մուտքը Հայաստան կարևոր իրադարձություն է, որը ընդգծում է մեր երկրի աճող հեղինակությունը գլոբալ հարթակներում և խոստանում է լինել նոր էջ՝ ինչպես զբոսաշրջության, այնպես էլ Հայաստանի միջազգային հեղինակության համար։